სიახლეები & მედია

კორეის სტრატეგიისა და ფინანსთა მინისტრი და K-water-ის დელეგაციის ვიზიტი საპარტნიორო ფონდში

თარიღი: 11 ნოე 2015

საქართველოში ვიზიტად მყოფი კორეის სტრატეგიისა და ფინანსთა სამინისტროს დელეგაცია საპარტნიორო ფონდს ესტუმრა და ფონდის ხელმძღვანელი პირებისგან ნენსკრას ჰიდროელექტროსადგურის პროექტის მიმდინარეობის შესახებ ინფორმაცია მოისმინა. მხარეებმა ასევე დასახეს სამომავლო გეგმები.
საპარტნიორო ფონდი 280 მგვტ სიმძლავრის ნენსკრას ჰიდროელექტროსადგურს სვანეთში მდ. ენგურის შენაკადზე აშენებს, რომლის წლიური გამომუშავება 1.2 მლრდ კვტ/სთ. იქნება. პროექტის ინვესტორია სამხრეთ კორეული სახელმწიფო წყლის კომპანია K Water, რომელიც საპარტნიორო ფონდთან გაფორმებული ხელშეკრულების თანახმად, პროექტის განხორციელებაზეა პასუხისმგებელი. პროექტში ფონდის მრჩეველია საერთაშორისო საფინანსო კორპორაცია (IFC).
ნენსკრა ჰესის პროექტის ჯამური ღირებულება 1 მლრდ. აშშ. დოლარია. პროექტი 2021 წელს დასრულდება.

უკან დაბრუნება