სიახლეები & მედია

საპარტნიორო ფონდმა ბუდაპეშტში Hotel Investment Conference CEE&Caucasus-ი მიიღო მონაწილეობა

თარიღი: 01 თებ 2017

საპარტნიორო ფონდის აღმასრულებელი დირექტორის დავით საგანელიძის ხელმძღვანელობით, უნგრეთში ფონდის დელეგაციის სამუშაო ვიზიტი დასრულდა. ფონდის დელეგაციამ ბუდაპეშტში დაგეგმილ Hotel Investment Conference CEE&Caucasus-ი მიიღო მონაწილეობა. HOTCO-ს ფარგლებში კონფერენცია სასტუმროების ინდუსტრიას მიეძღვნა და საკონსულტაციო კომპანია Horwarth HTL -ის ორგანიზატორობით ბუდაპეშტში პირველად გაიმართა. კონფერენციაში მონაწილეობდნენ მსოფლიოში ცნობილი სასტუმროს ოპერატორი კომპანიები, როგორიცაა: ჰილტონი, მერიოტი, აკორი, ჰაიატი, და სხვ. კონფერენციას ესწრებოდნენ ბუტიკ სასტუმროებისა და სხვა ქსელური სასტუმროების წარმომადგენლები. ასევე, ინვესტორები, რომლებიც სასტუმროების ინდუსტრიაში კაპიტალდაბანდებით არიან დაიტერესებულნი. კონფერენცია კავკასიასა და აღმოსავლეთ ევროპაში უძრავი ქონების განვითარებას და ინვესტირებას მიეძღვნა. საპარტნიორო ფონდის წარმომადგენლებმა უცხოელ ინვესტორებს საქართველოს უძრავი ქონების შესახებ ინფორმაცია მიაწოდეს და ფონდის მიერ ამ სექტორში უკვე განხორციელებული, მიმდინარე და დაგეგმილი პროექტების შესახებ გააკეთეს პრეზენტაცია. კონფერენციაზე განიხილეს საქართველოს ტურისტული შესაძლებლობები და ამ სფეროს განვითრების სამომავლო პერსპექტივები. კონფერენციაზე საუბარი შეეხო რეგიონებში სასტუმროების განვითარების შესაძლებლობას, მათ შორის წყალტუბოს როგორც ბალნეოლოგიური კურორტის აღორძინება/განვითარებას და რაჭის ტურისტული ზონის განვითარების შესაძლებლობებს. ქართულმა დელეგაციამ კონფერენციის ფარგლებში შეხვედრები გამართა იმ დეველოპერი და ინვესტორი კომპანიების პირველ პირებთან, რომლებიც უძრავი ქონების სექტორში მოღვაწეობენ. შეხვედრა შედგა სამშენებლო კომპანია „კეშთან". უნგრული კომპანია საქართველოს ბაზრით დაინტერესდა. შეხვედრაზე მხარეებმა სამომავლო თანამშრომლობის პერსპექტივები განიხილეს. ოფიციალური შეხვედრა შედგა უნგრეთის „ექსიმბანკის" წარმომადგენლებთან. შეხვედრაზე ის კონკრეტული პროექტები განიხილეს, სადაც ორმხრივი თანამშრომლობის პერსპექტივა არსებობს. ფონდის დელეგაციის წევრებმა „ექსიმბანკის" წარმომადგენლებს დეტალური ინფორმაცია მიაწოდეს და სამომავლო თანამშრომლობის ფორმატზე შეთანხმდნენ. შეხვედრა შედგა ასევე, Hungarian Trading House-ის წარმომადგენლებთან. უნგრეთის ეროვნული სავაჭრო სახლი (MNKH) ხელს უწყობს ბიზნესის განვითარებას, ქვეყნებს შორის სავაჭრო ურთიერთობების გაღრმავებასა და ინვესტორების მოზიდვას ხელსაყრელი ბიზნესპროექტების განსახორციელებლად. კონფერენციის ფარგლებში გაიმართა ორმხრივი და მრავალმხრივი შეხვედრები, სადაც საქართველოს ტურისტული შესაძლებლობები შეფასდა. ტურიზმი და უძრავი ქონების სექტორი საპარტნიორო ფონდისთვის ერთ-ერთი პრიორიტეტული მიმართულებაა.


უკან დაბრუნება