„საპარტნიორო ფონდის“ მხარდაჭერით, საქართველოში Ytong-ის ბრენდის ენერგოეფექტიანი ბლოკის ქარხნა შენდება

24 ნოემბ 2018 0 161

   

„საპარტნიორო ფონდის“ მხარდაჭერით, საქართველოში ცნობილი ევროპული ბრენდის იტონგის (Ytong) ენერგოეფექტიანი ბლოკის ქარხნის მშენებლობა დაიწყო.

ქარხნის მშენებლობის პროცესი დღეს პრემიერ-მინისტრმა მამუკა ბახტაძემ, თბილისის მერმა კახა კალაძემ და “საპარტნიორო ფონდის“ აღმასრულებელმა დირექტორმა დავით საგანელიძემ დაათვალიერეს.

„საპარტნიორო ფონდის“, ქართული კომპანია „არქი ჯგუფისა“ და გერმანული კომპანია „ქსელა გრუპის“ ერთობლივი პროექტი მაღალტექნოლოგიური პროდუქტის სამშენებლო გაზო-ბლოკების წარმოებას გულისხმობს, რომელიც ეკოლოგიურად სუფთაა და სრულად შეესაბამება ევროპულ სამშენებლო სტანდარტებს.

საწარმოო ხაზის სიმძლავრის გათვალისწინებით, ქარხანა მიზნად ისახავს წლიურად 160 000 კუბური მეტრი საკედლე ბლოკის წარმოებას. მიღებული ექსკლუზიური ლიცენზიის თანახმად, პროდუქციის ნაწილი საქართველოში გაიყიდება, ხოლო დარჩენილი ნაწილი ექსპორტზე გავა.

YTONG- ის ბრენდის ქვეშ დამზადებული ბლოკი გამოიყენება ნებისმიერი ტიპის მშენებლობაში. უწყვეტი ინოვაციის გრძელვადიანი პოლიტიკა და მომავალზე ორიენტირებული ტექნოლოგიების უკომპრომისო გამოყენება, ეს არის ის, რაც ხელს უწყობს YTONG- ის ამჟამინდელ მყარ პოზიციას კონკურენტული ინდუსტრიის მასშტაბით.

 „თავისუფალი ვაჭრობის შესახებ ევროკავშირთან გაფორმებული შეთანხმების ფარგლებში ჩვენს ქვეყანას აღებული აქვს ვალდებულება განახლებადი ენერგიის და ენერგოდამზოგავი მასალის გამოყენებისთვის ხელშეწყობა,  ეს პროექტი სწორედ ამ მიზნის მიღწევაში დაგვეხმარება. ბლოკის წარმოებისთვის საჭირო ნედლეული საქართველოში მოიპოვება, რაც პროდუქციას ადგილობრივ ბაზარზე კონკურენტულს გახდის. ენერგოეფექტიანი ბლოკები 80 წელზე მეტია წარმატებით გამოიყენება მსოფლიოს წამყვანი ქვეყების სამშენებლო სფეროებში“, განაცხადა „საპარტნიორო ფონდის“ აღმასრულებელმა დირექტორმა დავით საგანელიძემ.

Ytong-ის ბლოკის დაბალი თბოგამტარობით მომხმარებელს საშუალება ეძლევა 20-30 პროცენტით დაზოგოს შენობის გათბობა-გაგრილებისათვის საჭირო ენერგიის მოხმარება. პროექტის საინვესტიციო მოცულობა 50 მლნ ლარს შეადგენს. ენერგოეფექტური ბლოკის ქარხნის მშენებლობა 2019 უნდა დასრულდეს.

 Ytong-ის შესახებ:

 YTONG- ის ისტორია 1923 წელს შვედეთში იწყება. არქიტექტორმა იოჰან აქსელ ერიქსონმა სამეფო ტექნოლოგიის ინსტიტუტში Stocholm-ში მოახერხა წარმოექმნა ინოვაციური მასალა უმაღლესი საიზოლაციო და ხანძარსაწინააღმდეგო თვისებებით. მასალა დაპატენტებულია 1924 წელს. წარმოების ლიცენზია მიენიჭა 1928 წელს. 1929 წელს კი დაიწყო ბეტონის (AAC) წარმოება. მსოფლიოში პირველ ბრენდირებულ სამშენებლო მასალას Ytong-ის ენერგოეფექტურ ბლოკს სხვა სამშენებლო მასალებთან შედარებით რიგი უპირატესობები გააჩნია, მისი თბოგამტარობა 5 ჯერ უფრო უკეთესია ბეტონის ბლოკის ანალოგიურ მაჩვენებელთან შედარებით. იგი არის ბევრად უფრო მსუბუქი, რაც საშუალებას იძლევა მნიშვნელოვნად შემცირდეს შენობა-ნაგებობების მშენებლობაში გამოსაყენებელი არმატურის რაოდენობა და საგრძნობლად დაჩქარდეს სამშენებლო პროცესი. ეფეტურ და უსაფრთხო ბლოკს გააჩნია შეუზღუდავი სამშენებლო შესაძლებლობები. პროდუქტი 80 წელზე მეტია წარმატებით გამოიყენება ევროპასა და აზიაში.  დღეს  YTONG- ის  ბრენდის ქვეშ 18 ქვეყანაში 100-ზე მეტი საწარმოა განთავსებული.

 

 

:  

   

0

CAPTCHA Image

 

 

 

პოპულარული ტაგები