საპარტნიორო ფონდს PASHA Bank-ის აღმასრულებელი დირექტორი ეწვია

საპარტნიორო ფონდის აღმასრულებელმა დირექტორმა დავით საგანელიძემ ფონდში PASHA Bank-ის აღმასრულებელი დირექტორი შაჰინ მამედოვი მიიღო. დავით საგანელიძემ PASHA Bank-ის ხელმძღვანელს ფონდის მანდატი, ფუნქციები და სტრატეგია გააცნო. საუბარი შეეხო ფონდში მიმდინარე და უკვე დასრულებულ პროექტებს. PASHA Bank-ის აღმასრულებელმა დირექტორმა თავის მხრივ, ფონდის ხელმძღვანელს ბანკის შესახებ ინფორმაცია მიაწოდა და სამომავლო გეგმებზე გაამახვილა ყურადღება. PASHA Bank-ის მენეჯმენტი საპარტნიორო ფონდის მიმდინარე პროექტებში ფინანსური ჩართულობის სურვილს გამოთქვამს და სხვადასხვა ბიზნესში კაპიტალდაბანდებით ინტერესდება. შეხვედრას საპარტნიორო ფონდის აღმასრულებელი დირექტორის მოადგილე ნათია თურნავა და PASHA Bank-ის კომერციული დირექტორი გიორგი ჯაფარიძე ესწრებოდნენ.