ჩინეთში საპარტნიორო ფონდისა და სავაჭრო - სამრეწველო პალატის წარმომადგენლობა გაიხსნა

საპარტნიორო ფონდის დელეგაციის ჩინეთის სახალხო რესპუბლიკაში ვიზიტის ფარგლებში საპარტნიორო ფონდისა და საქართველოს სავაჭრო- სამრწეველო პალატის ორგანიზებით ქალაქ გუანგჭოუში „ერთი სარტყელი ერთი გზის" თანამშრომლობის ცენტრში ერთობლივი წარმომადგენლობა გაიხსნა. საქართველოს ეკონომიკური და სოციალური გარემოს გაცნობის მიზნით გაიმართა ფორუმი და შედგა ორმხრივი შეხვედრები ჩინეთის მსხვილ კომპანიებთან. შეხვედრაზე მხარეებმა საქართველოს საინვესტიციო პოტენციალზე, თავისუფალ ეკონომიკურ ზონებთან თანამშრომლობასა და ქართული პროდუქციის, განსაკუთრებით კი ღვინის ექპსორტის ხელშეწყობაზე ისაუბრეს. აქცენტი გაკეთა ტურიზმის სფეროში ერთობლივი პროექტებისა და სასტუმროების ქსელის განვითარების შესახებ.საპარტნიორო ფონდის დელეგაცია ჩინეთის სახალხო რესპუბლიკაში საქმიან შეხვედრებს განაგრძობს. დელეგაციას ფონდის აღმასრულებელი დირექტორი დავით საგანელიძე ხელმძღვანელობს.