სამოქალაქო თვითმფრინავების ნაწილების ქარხანა ATC-ის დანადგარებით აღჭურვა დაიწყო  

02 თებ 2018 0 624

   

 „საპარტნიორო ფონდისა“ და ისრაელის კომპანია Elbit Cyclone-ის ერთობლივი პროექტის, სამოქალაქო თვითმფრინავების ნაწილების მწარმოებელი ქარხნის (ATC) მშენებლობა და ტექნიკა-დანადგარებით აღჭურვის პროცესი აქტიურ ფაზაში გადადის.

სამოქალაქო თვითმფინავების ნაწილების მწარმოებელი ქარხნის თანამედროვე მანქანა-დანადგარებით აღჭურვის პროცესი დაიწყო. ამერიკაში შეკვეთილი წარმოების პროცესის ყველაზე მნიშვნელოვანი დანადგარები საქართველოში მომდევნო კვირას ჩამოვა. ქარხნისთვის უმაღლესი სტანდარტის მქონე ტექნიკური მოწყობილობა, 2 ავტოკლავი (ყველაზე მნიშვნელოვანი და გაბარიტული ნაწილი, რომელიც პროგრამული მართვის ჩარხებზე დეტალების დამუშავებაზე აგებს პასუხს) Elbit Cyclone-ის კვალიფიციურმა სპეციალისტებმა შეარჩიეს.

თვითმფინავების ნაწილების მწარმოებელი ქარხნის მშენებლობას საფუძველი „საპარტნიორო ფონდმა“ ისრაელის კომპანია Elbit Cyclone-თან ერთად ჩაუყარა. პროექტის საინვესტიციო ღირებულება 85 მილიონი აშშ დოლარია. კომპანიაში დღეისთვის 60-მდე თანამშრომელია დასაქმებული. 2018 წლის განმავლობაში, თანამშრომელთა რაოდენობა 80-ს გადააჭარბებს, ქარხნის სრულად დატვირთვის შემდეგ კი 300 ადამიანის დასაქმება იგეგმება. საწარმოში დასაქმებულთა 90 პროცენტი საქართველოს მოქალაქე იქნება, რომელთა გადამზადება ისრაელსა და საქართველოში წამყვანი სპეციალისტების მიერ მიმდინარეობს. ქარხანაში წარმოებული პროდუქციის 100 პროცენტი ექსპორტზე იქნება ორიენტირებული. საწარმოში სამოქალაქო თვითმფრინავის კომპოზიტური დეტალები, მათ შორის, აეროდინამიკური ზედაპირი, კარი, საკონტროლო პანელი და სხვა ნაწილები დამზადდება.

მაღალტექნოლოგიური საერთაშორისო სტანდარტების შესაბამისი სამოქალაქო თვითმფინავების ქარხანაში შექმნილი პროდუქციის მომხმარებლები ავიაციის ინდუსტრიის ისეთი მსხვილი მოთამაშეები იქნებიან, როგორც არის Boeing-ი და მსოფლიოს სხვა წამყვანი ბრენდული ავიამწარმოებლები. პროდუქცია თანამედროვე ინოვაციური ტექნოლოგიით იწარმოება, რაც საერთაშორისო დონის მაღალ ხარისხს უზრუნველჰყოფს. საქართველოში არსებული ხელსაყრელი საინვესტიციო გარემო კი იმის საშუალებას იძლევა, რომ წარმოებული პროდუქციის ფასი კონკურენტული იყოს. ქარხანა უმსხვილესი საავიაციო კომპანიების მიერ იქნება სერტიფიცირებული.

სამშენებლო პროცესი ორი ეტაპისგან შედგება: საწარმოს შენობის მშენებლობა და მისი დანადგარებით აღჭურვა. მაღალტექნოლოგიური საერთაშორისო სტანდარტების შესაბამისი ქარხანა (ATC) თბილისის საერთაშორისო აეროპორტის მიმდებარე ტერიტორიაზე შენდება. პროდუქციის გამოშვებას ქარხანა 2018 წლიდან დაიწყებს.

ELBIT Cyclone-ის შესახებ:

ELBIT Cyclone არის ELBIT Systems-ის შვილობილი კომპანია. ისრაელში ის სამი ძირითადი მიმართულებით მუშაობს: სამხედრო/თავდაცვის აეროხომალდების ნაწილები, მსხვილი სამოქალაქო თვითმფრინავების ნაწილები და უსაფრთხოების სისტემები.

ELBIT Systems დაარსდა 1967 წელს ისრაელში და „NASDAQ-ზე“ („ESLT“) და თელ-ავივის საფონდო ბირჟებზე კვოტირებული კომპანიაა.

:  

   

0

CAPTCHA Image

 

 

 

პოპულარული ტაგები