ნინო ქვარიანი

ნინო ქვარიანი ფონდში 2017 წლიდან საზოგადოებასთან ურთიერთობის  სამსახურის უფროსის პოზიციაზე მუშაობს.   

2014-2017 წლებში იგი თბილისის მუნიციპალიტეტის საკრებულოში მუშაობდა  საკრებულოს თავმჯდომარის მრჩევლის პოზიციაზე, საზოგადოებასთან ურთიერთობისა და საკომუნიკაციო  სტრატეგიების მიმართულებით.

2012-2013 წლებში ნინო ქვარიანი საქართველოს პარლამენტსა და სახელმწიფო კანცელარიაში საზოგადოებასთან ურთიერთობების საკითხებში კონსულტანტის პოზიციაზე მუშაობდა.

2011-2012 წლებში იყო მედია ჰოლდინდ „პალიტრა მედიაში“ შემავალი კომპანია „რადიოცენტრ პლუს“-ის დირექტორი.

2003-2011 წლებში საკონსულტაციო კომპანია „პიარპოლისის“ დირექტორის პოზიცია ეკავა.

2006-2008 წლებში იყო უმსხვილესი ქართული კერძო სამრეწველო ჯგუფის (GIG)-საქართველოს ინდუსტრიული ჯგუფის მარკეტინგის დეპარტამენტის ხელმძღვანელი  და მისი შვილობილი კომპანიის  „ჯორჯიან ბიზნეს კონსალტინგის“ აღმასრულებეილი დირექტორი.

1999-2005 წლებში იყო ფსიქოლოგთა და ფსიქოთერაპევტთა ასოციაციის პრეზიდენტი, დამფუძნებელი.

ამავე წლებში UNDP-ის, UNICEF-ისა და ფონდ „ღია საზოგადოება საქართველოს“ მიერ დაფინანსებულ პროექტებში ეკავა პროექტის დირექტორის, კოორდინატორისა და ფსიქოლოგ კონსულტანტის პოზიციები, მათ შორის, ისეთ პროექტებში, როგორებიცაა: „წარმოება და მართვა“, „ორგანიზაციათაშორისი კოორდინაცია და ინტეგრაცია ინტერნეტის საშუალებით“ და „თავდაპირველი უნარ-ჩვევების გაძლიერება სამხრეთ კავკასიის ენერგო-ტრანზიტული პროექტის მონიტორინგისათვის ქვემო ქართლსა და სამცხე-ჯავახეთის რეგიონებში“. 

ნინო ქვარიანი არის ფსიქოლოგიის მეცნიერებათა მაგისტრი, დამთავრებული აქვს საქართველოს მეცნიერების აკადემიის დ. უზნაძის სახელობის ფსიქოლოგიის ინსტიტუტის ასპირანტურა (1997-2000 წწ.); იყო ამავე სამეცნიერო ინსტიტუტის სოციალური ფსიქოლოგიის განყოფილების უფროსი ლაბორანტი (1996-1997 წწ.)

ასევე, ნინო ქვარიანი არის ტრენიგ-მოდულების ავტორი და ტრენერი „საზოგადოებასთან ურთიერთობებისა“ და „ლიდერობის ფსიქო-სოციალური მექანიზმების“ მიმართულებით.

1997 წლიდან კითხულობს ლექციებს სხვადასხვა უმაღლეს სასწავლებელში: ფსიქოლოგიის სასწავლო ინსტიტუტში, თბილისის სახელმწიფო სამედიცინო უნივერსიტეტში, საქართველოს საპატრიარქოს წმიდა ანდრია პირველწოდებულის სახელობის ქართულ უნივერსიტეტსა და კავკასიის უნივერსიტეტში.